Бишкекте коомдук транспорттун коопсуздугу жана тейлөө сапаты талкууланды

Бишкекте коомдук транспорттун коопсуздугу жана тейлөө сапаты талкууланды

Күн мурун Бишкек шаарында мэрдин орун басары Рамиз Алиевдин төрагалыгы алдында "Бишкек шаардык транспорту" муниципалдык ишканасынын жетекчилиги жана каттам бригадирлеринин катышуусунда жыйын өттү.

Муниципалитеттин маалыматына ылайык, жыйында коомдук транспорттун ишинин сапатын жогорулатуу, жүргүнчүлөрдүн коопсуздугун камсыз кылуу, тейлөө маданиятын жакшыртуу жана айдоочулардын эмгек шарттары талкууланды.

Жол кыймылынын коопсуздугуна өзгөчө көңүл бурулуп, айдоочуларга жол эрежелерин так сактоо, жүргүнчүлөрдүн коопсуздугун камсыз кылуу жана кызматтык милдеттерин жоопкерчилик менен аткаруу милдети коюлду. Ошондой эле жол кырсыктарынын алдын алуу жана транспорт каражаттарынын техникалык абалын көзөмөлдөө боюнча тапшырмалар берилди.

Мындан тышкары, айдоочулардын эмгек акысын эсептөө тартиби жана төлөө шарттары боюнча маалымат берилип, кызматкерлерди колдоо боюнча жүргүзүлүп жаткан иштер талкууланды.

Жыйындын жыйынтыгында каттам бригадирлерине айдоочулар арасында түшүндүрүү иштерин күчөтүү, эмгек тартибин, жол кыймылынын коопсуздук талаптарын жана жүргүнчүлөрдү тейлөө стандарттарын көзөмөлдөө тапшырылды.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Пенопласттан образ жараткан ишкер айым: сүйүктүү ишиңди тапсаң, чарчоо да жагымдуу

ТИМ башчысынын орун басары Абакиров Европа Биримдиги менен Экинчи министрлер жолугушуусуна катышты

Кыргызстанда банктардын кредит портфели 658,7 млрд сомго жетти

Жогорку Кеңештин депутаты дүйнө чемпиондугунда коло байге тагынды

Түп районунда 275 орундуу мектеп курулууда