Бишкекте жүзгө жакын көчө оңдолууда
Бишкекте жүзгө жакын көчөдө оңдоо иштери жүрүп жатат. Бул тууралуу Бишкек шаардык мэриясынан билдиришти.
Маалыматка караганда, оңдолуп жаткан жолдун 99у автоунаа жолдору, ал эми 21и – тротуарлар. Ошол эле учурда 56 объектиде иштер толугу менен аяктады. Алардын ичинен 43ү – жол тилкелери, 13ү – тротуар.
- Ленин районунда 20 көчөдө иштер башталып, анын 5 объектиси толук бүткөрүлдү;
- Октябрь районунда 15 көчөдө оңдоо иштери жүрүп, 7 объект пайдаланууга берилди;
- Биринчи Май районунда 20 көчөдө иштер жүргүзүлүп, алардын 13ү аяктады;
- Свердлов районунда 22 көчөдө оңдоо иштери башталып, 16 объектте иштер толугу менен бүткөрүлдү.
- "Бишкекасфальтсервис" ишканасы 19 көчөдө оңдоо иштерин жүргүзүп, алардын 12синде иштерди толук бүтүрдү.
