Ара-Көл – Оро-Башы жолунун 5 чакырымы асфальтталууда
Нарын облусунун Кочкор районундагы Ара-Көл – Оро-Башы унаа жолунда асфальт төшөө иштери жүрүп жатат. Бул тууралуу Транспорт жана коммуникациялар министрлигинин маалымат кызматы билдирди.
2026-жылга карата титулдук тизмеге ылайык, аталган жолдун 5 чакырымына асфальт-бетон төшөө каралган.
Учурда №955 Жол эксплуатациялоо мекемеси тарабынан курулуш иштери бекитилген графикке ылайык жүргүзүлүп, жолго асфальт-бетон аралашмасы төшөлүүдө.
Ара-Көл – Оро-Башы жолу Кочкор районунун Чолпон айыл аймагындагы Ара-Көл жана Оро-Башы айылдарын байланыштырат.
Жумуштар аяктагандан кийин жол кыймылы жеңилдеп, транспорт каражаттарынын коопсуз жана ыңгайлуу жүрүүсүнө шарт түзүлөт.
Жол куруу жана оңдоо иштери Транспорт жана коммуникациялар министрлигинин көзөмөлүндө.
