Бишкекте 11 көчөдө жол жана тротуарларды оңдоо иштери аяктады
Бишкекте бир катар көчөлөрдө жолдорду, тротуарларды жана ирригациялык тармактарды оңдоо иштери аяктады. Бул тууралуу мэриядан билдиришти.
"Бишкекасфальтсервис" муниципалдык ишканасынын маалыматына ылайык, учурда төмөнкү тилкелерде иштер бүткөрүлдү:
• Клинск көчөсү — Кахов көчөсүнөн Лущихин көчөсүнө чейин, 200 метр;
• Левонев көчөсү — Айни көчөсүнөн Ахунбаев көчөсүнө чейин, 750 метр;
• "Алтын-Ордо" конушу — Кадырбай-Ата көчөсүнөн Кадыра-Ата көчөсүнө чейин, 500 метр;
• Мессарош көчөсү — Профсоюзная көчөсүнөн Аска-Таш көчөсүнө чейин, 500 метр;
• Аска-Таш көчөсү — Мессарош көчөсүнөн Фучик көчөсүнө чейин, 820 метр;
• Аталышы жок көчө — Архитектурная көчөсүнөн Чүй көчөсүндөгү №16 дарекке чейин, 560 метр;
• Москва көчөсү — Т. Молдо көчөсүнөн Манас проспектисине чейин, 630 метр;
• Широкая көчөсү — Новосельская көчөсүнөн Керамическая көчөсүнө чейин, 650 метр;
• Жибек Жолу проспектиси — К. Датка көчөсүнөн Будённый көчөсүнө чейин, 320 метр;
• 7-кичи район — №16а/3 үйдөн №16а үйгө чейин, 100 метр;
• Көк-Жар кичи району — №22/4 үйдөн №23/2 үйгө чейин, 80 метр.
Аталган тилкелерде жолдор жана тротуарлар капиталдык оңдоодон өткөрүлүп, тиешелүү жерлерге ирригациялык тармактар орнотулду.
Мэриядан борбор калаанын көчө-жол тармагын жакшыртуу жана өнүктүрүү иштери мындан ары да улантыларын билдиришти.
