Нарын – Оруктам жолунун 5,3 чакырымына асфальт төшөлдү
Нарын облусунун Нарын районундагы Нарын – Оруктам унаа жолунун 9,45-15-чакырым аралыгындагы 5,3 чакырым жолго асфальт төшөө иштери аяктады. Бул тууралуу Транспорт жана коммуникациялар министрлигинин маалымат кызматы билдирди.
Маалыматка ылайык, жумуштар №8 Жол эксплуатациялоо мекемеси тарабынан белгиленген графикке ылайык, сапат талаптарын сактоо менен аткарылды.
Жолдун бул бөлүгүнүн оңдолушу жергиликтүү тургундардын каттамын жеңилдетип, айылдар арасындагы транспорттук байланышты жакшыртууга шарт түзөт.
Учурда Нарын облусунда жол инфраструктурасын жакшыртуу иштери уланууда. Калган тилкелерде жол куруу жана оңдоо жумуштары бекитилген планга ылайык жүргүзүлүп жатат.
Жол куруу иштеринин сапаты жана аткарылышы Транспорт жана коммуникациялар министрлигинин көзөмөлүндө.
