Кыргызстанда 254 миңден ашуун жаран өзүнө-өзү кредит алууга тыюу салды
2025-жылдын 1-ноябрынан 2026-жылдын 17-апрелине чейинки мезгил аралыгында 254 190 адам «Түндүк» мобилдик тиркемеси аркылуу кредит алууга өзүнө-өзү тыюу салуу кызматын иштетти. Бул тууралуу КРнын Улуттук банкынын басма сөз кызматынан кабарлашты.
Кыргызстанда 2025-жылдын 1-ноябрынан тартып кредит алууга өзүнө-өзү тыюу салуу механизми иштей баштаган. Бул чара жарандарды шылуундардан коргонуп, керексиз карыздардан сактануусу үчүн киргизилген.
Өзүнө-өзү тыюу салуу – бул, жарандын өз эрки боюнча жана акысыз негизде финансы-кредит уюмдардан кредит алып, тариздөө мүмкүнчүлүгүн алдын ала чектөө кызматы болуп саналат.
