Россиянын Борбордук банкынын эсептик чени 14,5% чейин түштү
Россиянын Борбордук банкынын директорлор кеңеши 2026-жылдын 24-апрелинде негизги эсептик ченди 0,5 базистик пунктка төмөндөтүп, жылдык 14,5% деңгээлинде бекитти.
РФнын Борбордук банкынын басма сөз кызматынын маалыматына ылайык, ички суроо-талап акырындап рыноктун мүмкүнчүлүктөрүнө шайкеш келе баштады. Бирок инфляция толук турукташкан жок - ал жылдык эсепте 4–5% деңгээлинде сакталып турат. Ошондой эле тышкы шарттар жана бюджеттик саясатта дагы деле белгисиздик сакталып жатат.
Банк мындан ары да эсептик ченди төмөндөтүү маселесин инфляциянын динамикасына, күтүүлөргө жана тышкы-ички тобокелдиктерге жараша карай турганын билдирди.
Алдын ала Борбордук банктын божомолдоосу боюнча, 2026-жылы пайыздык чен орточо 14–14,5% болсо, 2027-жылы 8–10% чейин төмөндөшү мүмкүн. Ал эми инфляция 2026-жылы 4,5–5,5% деңгээлде кармалып, экономиканын өсүшү 0,5–1,5% чегинде болот деп, болжолдонууда.
Кыргыз Республикасынын Улуттук банкынын эсептик чени болсо, февраль айынын соңунан бери 12% өлчөмүндө кармалып турат. Билдирүүгө караганда, КРнын Улуттук банк Башкармасынын эсептик чен боюнча кийинки отуруму 27-апрелде өткөрүлөт.
