Ош шаарындагы бир катар акча алмашуу бюролорунун лицензиясы убактылуу токтотулду
Кыргыз Республикасынын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн Ош шаарындагы бир катар алмашуу бюролорунун лицензияларынын аракети убактылуу токтотулду.
Улуттук банктын басма сөз кызматынан кабарлагандай, чечимдер 2026-жылдын 25-апрелинен тарта күчүнө кирди. Лицензиясы токтотулган бюролордун көпчүлүгү Ош шаарынын Кулигов көчөсүндө, «Достук-автожолу» көзөмөл өткөрмө пунктунун аймагында жайгашкан.
Алардын катарында төмөнкүлөр кирет:
«Бахтияр финанс» ЖЧКсы — лицензиясы 1-майга чейин токтотулду;
«Динислам финанс» ЖЧКсы — 1-майга чейин;
«Валюта Достук» ЖЧКсы — 1-майга чейин;
«Финанс Ош» ЖЧКсы — 4-майга чейин;
«Абдуллох Финанс» ЖЧКсы — 29-апрелге чейин.
Улуттук банк мындай чаралар мыйзам талаптарын сактоону камсыз кылуу жана валюта рыногундагы тартипти күчөтүү максатында көрүлүп жатканын белгилейт.
