Бишкектеги 4 акча алмаштыруучу жайдын лицензиясы убактылуу токтотулду

Улуттук банк Бишкек шаарындагы төрт алмашуу бюросунун лицензияларынын аракетин эки жумага убактылуу токтотту.

Маалыматка ылайык, Улуттук банк мыйзам талаптарын жана өзүнүн нормативдик укуктук актыларын бузган бир катар алмашуу бюролоруна карата таасир этүүчү чараларды колдонду.

Улуттук банктын чечими менен 2026-жылдын 30-июлунан 13-августка чейин төмөнкү алмашуу бюролорунун лицензияларынын аракети убактылуу токтотулду:

• "Арча Моней" – Бишкек шаары, Абдрахманов көчөсү, 144/7;
• "Аника" алмаштыруу бюросу – Бишкек шаары, Москва көчөсү, 73 (1-кеңсе) жана Ч. Валиханов көчөсү, 1а/1 (7-кеңсе);
• "Гранд Кэш" – Бишкек шаары, Абдрахманов көчөсү, 150;
• "Престиж Мани А" – Бишкек шаары, Абдрахманов көчөсү, 119-үй, 17а батир.

Улуттук банк лицензиясы бар финансылык мекемелер мыйзамдардын жана жөнгө салуучу талаптардын талаптарын так сактоого милдеттүү экенин белгиледи.