Улуттук банк 3 акча алмашуу бюросунун лицензиясынын аракетин токтотту
КРнын мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарындагы жана Ысык-Ата районундагы 3 акча алмашуу бюросунун лицензияларынын аракети убактылуу токтотулду.
Улуттук банктын басма сөз кызматынын маалыматына ылайык, төмөнкү алмашуу бюролорунун ишине убактылуу чектөө киргизилди:
- Ысык-Ата району (КПП «Ак-Тилек») “Амантур лтд” алмашуу бюросу, 2026-жылдын 13-августунан тартып 27-августуна чейин;
- Бишкек шаарындагы “Инком Эксчейндж” алмашуу бюросу 2026-жылдын 14-августунан тартып 28-августуна чейин;
- Бишкек шаарындагы “Салман МК” алмашуу бюросу, 2026-жылдын 13-августунан тартып 22-августуна чейин.
Улуттук банк лицензиялар мыйзам талаптарын сактоону камсыз кылуу максатында убактылуу токтотулганын белгиледи.
Улуттук банктын алмашуу бюролорунун 2026-жылдын 5-августуна карата абалы боюнча реестрине ылайык, Кыргызстанда азыр жалпы 895 акча алмашуу бюросу ишмердүүлүк жүргүзүп жатат.
