Кыргызстанга келген акча которуулар былтыркы жылга салыштырмалуу азайууда
2026-жылдын май айында Кыргызстанга жеке адамдар тарабынан которулуп келген акчанын таза агымы 287,9 млн $ түзгөн. Бул көрсөткүч 2025-жылдын май айындагы 299,2 млн $ салыштырмалуу төмөндөгөн. Өлкөдөн сыртка чыккан акчанын агымы да азайганы байкалууда. 2025-жылдын май айында 36,2 млн $ которулган болсо, быйылкы майда 35,7 млн $ агылып чыккан.
Улуттук банктын маалыматына караганда, Кыргызстанга келген каражаттардын негизги бөлүгү КМШ өлкөлөрүнө туура келет. 2026-жылдын май айында бул багыттан - 252,4 млн$ келген. Анын ичинен Россиядан келген акча которуулар - 240,6 млн$ түзгөн. Башкача айтканда, Россиядан келген каражаттар КМШ өлкөлөрүнөн келген которуулардын 90% түзөт.
Өзбекстандын Улуттук банкынын маалыматтарына таянсак, Өзбекстанда да акча которуунун негизги булагы болуп - Россия саналат. Анын да үлүшү акырындап азайып: 2026-жылдын биринчи кварталында Россиянын үлүшү 72,4% болсо, бир жыл мурда 77,6% болгондугу маалым болду.
Андан кийинки акча которуунун ири багыты болуп, эки өлкөгө тең – АКШ эсептелет. Май айында ал жактан Кыргызстанга 18,1 млн $ которулган.
Бүгүнкү күндө Кыргызстанда акча которуу кызматтарын 20 эл аралык система көрсөтөт. Алардын арасында Астрасенд, Золотая Корона, MoneyGram, Юнистрим жана Western Union сыяктуу системалар калк арасында кеңири колдонулат.
