Кыргызстанга акча которуулар былтыркыга салыштырмалуу азайууда

2026-жылдын жарым жылында Кыргызстанга жеке адамдар тарабынан которулуп келген акчанын таза агымы былтыркы жылдын 6 айына салыштырмалуу 6%га азайды. Бул тууралуу Улуттук банктын акча-кредит саясаты башкармалыгынын башчысы Айнура Мамбеткул кызы маалымдады.

Адистин айтымында, акча котруулардын агымынын азайышына жакынкы чыгыштагы жагдай таасир этүүдө.   

“Былтыркы жылдын жыйынтыгы боюнча акча которуулардын таза агымы - 3млрд 1 млн АКШ долларын түзгөн. Ал эми быйылкы жылдын 6 айында былтыркыга салыштырмалуу азыраак  болду. 6 айдагы таза агымдын көлөмү - 1 млрд 300млн АКШ долларын түзүп, былтыркы 6 айга карата 6% азыраак болду” – деп билдирди Айнура Мамбеткул кызы.

Маалыматка караганда, Кыргызстанга келген каражаттардын негизги бөлүгү КМШ өлкөлөрүнө, тагыраагы РФна (95%) туура келет. Июнь айында Кыргызстанга агып келген акча которуулардын жалпы саны 292,1 млн $ болсо, анын 266,7 млн $ Россияга туура келген. Бул эсептөөлөр жеке жактардын эл аралык акча которуу системалары аркылуу жиберген каражатты болуп саналат.