Грузиянын премьер-министри иш сапары менен Кыргызстанга келди
Президент Садыр Жапаровдун чакыруусу менен Грузиянын премьер-министри Ираклий Кобахидзе Кыргызстанга биринчи расмий сапары менен келди.
Президенттик админстрациянын маалыматтык саясат бөлүмүнөн кабарлашкандай, "Манас" эл аралык аэропортунда жогорку даражалуу конокту Министрлер Кабинетинин Төрагасы Адылбек Касымалиев тосуп алды.
Аэропортто эки өлкөнүн мамлекеттик желектери илинип, ардактуу кароолдун ротасы жайгаштырылган.
Белгилей кетсек, бул эки өлкө ортосунда дипломатиялык мамилелер түзүлгөндөн бери Грузиянын Өкмөт башчысынын Кыргызстанга жасаган биринчи расмий сапары.
