Сауд Арабия парламентинин төрагасы Кыргызстанга расмий сапар менен келди
Бүгүн Сауд Арабия Падышалыгынын Мажлис Аш-Шурасынын (Парламентинин) төрагасы Абдулла бин Мухаммад Аль Аш-Шейх Кыргызстанга расмий сапар менен келди. Бул тууралуу Жогорку Кеңештен маалымдашты.
Ардактуу конокту "Манас" эл аралык аба майданынан Жогорку Кеңештин Төрагасынын орун басары Болот Ибрагимов жана Жогорку Кеңештин депутаты Талайбек Масабиров тосуп алышты.
Маалыматка ылайык, расмий сапардын алкагында бир катар иш-чаралар, анын ичинен КРнын Жогорку Кеңешинин төрагасы Марлен Маматалиев менен жолугушуу пландаштырылган.

Күндүн негизги жаңылыктары — Telegram каналыбызда
Каналга катталуу