Албаниянын президенти Кыргызстанга расмий сапар менен келет
Президенти Садыр Жапаровдун чакыруусу менен 17-19-июнда Албаниянын президенти Байрам Бегай Кыргызстанга расмий сапары менен келет. Бул тууралуу президенттин расмий баракчасына жарыяланды.
Маалыматка таянсак, сапардын алкагында Чолпон-Ата шаарында мамлекет башчылары эки жана көп тараптуу кызматташтыктын актуалдуу маселелери боюнча сүйлөшүүлөрдү жүргүзүшөт, ошондой эле экономика, айыл чарба, туризм, транспорт, санариптештирүү жана башка багыттарда мындан аркы өз ара аракеттенүү жөнүндө пикир алмашышат.
Белгилей кетсек, Албаниянын президентинин расмий сапары кыргыз-албан мамилелеринин тарыхында биринчи жолу болуп, кызматташтыкты мындан ары өнүктүрүүгө пайдубал түзөт.
