Экономика

Кыргызстан менен Кытай Чэнду-Бишкек-Чэнду логистикалык каналын түзүү тууралуу талкуулашты

Сапар Акунбеков

30 мая 2023 15:00

«Манас» эл аралык аэропорту» ААКнын жана «Кыргыз Почтасы» ААКнын жетекчилиги Кытайга иш сапары менен барып келишти. Бул тууралуу аэропорттун маалымат кызматы билдирди.

Такталгандай, тараптар Кытай-Борбор Азия транзиттик жүк ташуу үчүн Чэнду-Бишкек-Чэнду логистикалык каналын түзүү тууралуу талкуулашты. Алар КРнын эл аралык аэропорттору Борбордук Азиянын бардык багыттарын камтый алат, ал эми Чэнду шаары транзиттик жүктөр үчүн аба хабынын ролун аткарат деп үмүттөнүшөт.

Ошондой эле, Ченду шаарына болгон иш сапардын алкагында Чэнду шаарынын чыгыш жаңы районун башкаруу комитетинин директору, КЭРнын Сычуань провинциясынын партиялык жумушчу комитетинин катчысынын орун басары Йин Чайойин менен жолугушуу болуп өткөн.

Жолугушууда биргелешкен долбоорлор боюнча кызматташуунун бир катар маселелери талкууланган:

• «Бир алкак-бир жол»;

• Кытай-Кыргызстан-Европа авиация жүк ташууларында стратегиялык кызматташтыкты кеңейтүү;

• жашыл экономиканын максаттарына жана туруктуу өнүгүүнүн максаттарына шайкеш келген инвестициялык долбоорлорду илгерилетүү жана ишке ашырууда өз ара колдоо көрсөтүү;

• Кыргызстандын продукциясын Кытайга экспорттоону биргелешип илгерилетүү;

• эки тараптуу авиалогистикалык кызматтар үчүн санариптик соода платформасын түзүү;

• Кыргызстандын өндүрүшүн Кытайдын рыногуна экспорттоого, Бонд аймагы – "Тяньфу" аэропортунун эл аралык соода борбору аркылуу бөлүштүрүүгө жана сатууга көмөктөшүү;

• электрондук соода-сатык чөйрөсүндө кытай ишканалары үчүн чет өлкөлүк кампаларды биргелешип уюштуруу жана башкаруу.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”