Жылдын аягына чейин Баткенде канал курулат – 1 миң га жерди сугат суу менен камсыз кылат

Баткенде 1 миң гектар жерге суу жеткире турган Кара-Кол каналынын курулушу жүрүүдө. Бул тууралуу президенттин облустагы өкүлчүлүгү маалымдады.

Такталгандай, учурда анда узундугу 14 км болгон каналды куруу, калыбына келтирүү иштери аткарылууда. Долбоордун сметалык баасы 27 млн сом. Анын ичинен Агахан эл аралык уюумунан 26 млн сом грант берилген.

Азыркы учурда тоо арасындагы капчыгайдын ичиндеги Сары-Таш, Таңги участкасында темир суу түтүктөрүн сваркалоо, монтаждоо иштери жүрүп жатса, Ак-Терек участкасында каналды бетондоо жана даярдоо иштери жасалууда.

Каналдын курулушун 2023-жылдын ноябрь айына бүтүрүү пландалган.