Кыргызстан жаратылыш байлыктарын коротпой, киреше табат – Жаратылыш министрлиги

Кыргызстан жер казынасынан жана башка ресурстарын коротпой, тескеринче киреше табат. Бул тууралуу жаратылыш министри Мелис Тургунбаев Бишкек суу форумунун жүрүшүндө билдирди.

Анын айтымында, жаңы улуттук суу стратегиясын ишке ашырууда жаратылыш чөйрөсү улуттук мурастын эң баалуу компоненти катары коомдук мамилелер системасына киргизилет.

«Кыргызстан жаратылыш менен гармониялуу жанаша жашоого негизделген жаңы экономикалык моделди курат. Жаратылыш ресурстары бюджеттин чыгаша бөлүгү болбой калып, киреше бөлүгүнө өтөт», - деди министр.

Ал кошумчалагандай, экологиялык туруктуулук өлкөнүн экономикалык өсүшү менен камсыздалат.