BIOPHARMAX 150 млн долларлык инсулин чыгаруучу фармзавод куруп берет
BIOPHARMAX компаниясы Бишкекте 150 млн долларлык инсулин чыгаруучу фармзавод куруп берет. Бул тууралуу маалымат жыйынында компаниянын Кыргызстандагы башкы директору Жыргалбек Сагынбаев билдирди.
Анын айтымында, куруу иштери үчүн жер бөлүнүп берилди.
«Долбоор эл аралык стандартка туура келген кампанын курулушу менен башталат. Мындай кампа Кыргызстанда биринчи жолу болмокчу жана заманбап курулуп, иши роботтоштурулат. Инвестициянын жалпы көлөмү 150 млн доллар, ал эми долбоор ишке ашырылгандан кийин 1 миңден ашык жумуш орду түзүлмөкчү», - деди ал.
Ошондой эле компаниянын директорлор кеңешинин төрагасы Игаль Туриский азыркы учурда келечекте Бишкекте курула турган заводдун долбоорун иштеп чыгуу иштери жүрүп жатканын белгиледи.
