Кыргызстандыктар Японияда «белгилүү көндүмдөрү бар кызматкер» статусу менен иштей алышат. Тиешелүү меморандумга Япониянын Юстиция министрлиги, Тышкы иштер министрлиги, Саламаттыкты сактоо, эмгек, бакубатчылык министрлиги, улуттук полиция агенттиги жана Эмгек, социалдык камсыздоо жана миграция министрлиги менен кол коюлду.
Документ «белгилүү көндүмдөргө ээ кызматкер» статусу менен чет элдик эмгек ресурстарына тиешелүү системанын талаптагыдай иштешин аныктайт. Бүгүнкү күнгө чейин Кыргызстандын жарандары «техникалык стажер» категориясында гана иштей алышкан.
Министр Кудайберген Базарбаевдин айтымында, «белгилүү көндүмдөргө ээ кызматкер» статусу кыргызстандыктардын Японияда мыйзамдуу түрдө жумушка орношуу мүмкүнчүлүгүн жогорулатат.
Меморандум тышкы эмгек рыногун диверсификациялоого, миграция чөйрөсүндөгү ыйгарым укуктуу органдардын ортосундагы өз ара аракеттенүүнү кеңейтүүгө жана бекемдөөгө мүмкүндүк берет, ошондой эле тышкы эмгек миграциясы чөйрөсүндө кеңири жана эркин өз ара маалымат алмашуу үчүн жагымдуу шарттарды түзөт.
Тышкы иштер министрлигинин маалыматы боюнча, Японияда жүргөн КРнын жарандарынын болжолдуу саны 670ке жакын адамды түзөт.
