Кыргызстан 99.5 тонна жайыт үрөнүн сатып алды – алар кунарсыз жайыттарды жакшыртууга жумшалат

Кыргызстан Кунарсыз жайыттарды жакшыртуу максатында Россиядан 99 тонна 500 кг жайыт үрөнү сатып алынып, Жайыт жана асыл тукум мал чарба департаменти тарабынан айыл өкмөт, жайыт комитеттерине таратылып берилген. Бул тууралуу Айыл чарба министрлиги билдирди.

Учурда климаттык шартка жараша себүү графиктери түзүлүп, үрөндөрдү себүү иштери жүрүп жатат. Республика боюнча 2432 га жайыт аянтына үрөн себилип, 24%га аткарылды. Облустар боюнча алып караганда:

·         Нарын облусу - 112 га,

·         Ош облусу - 972 га,

·         Жалал-Абад облусу - 469 га,

·         Ысык-Көл облусу - 854 га,

·         Чүй облусу- 25 га.