Экономика

Банк жана финансы уюмдары үчүн жашыл каржылоо боюнча тренинг өттү

Ишкер Media

10 дек. 2025 11:43

Бишкекте банк жана финансы уюмдары үчүн жашыл жана туруктуу каржылоону илгерилетүү, ESG-критейрилерин (экологиялык, социалдык жана башкаруу) өнүктүрүү жана банктарды жашыл каржы продуктылары менен иштөөгө даярдоого багытталган тренинг болуп өттү.

Бул иш-чараны КРнын Экономика жана коммерция министрлиги Глобалдык жашыл өсүү институту (GGGI) жана Германиянын Эл аралык кызматташтык коому (GIZ) менен биргеликте өткөрдү. Бул тууралуу Экономика министрлигинен кабарлашты.

Иш-чаранын жүрүшүндө министрлик өлкөнүн жашыл экономикага өтүү боюнча стратегиялык көз карашын жана негизги жетишкендиктерин сунуштады. Анда: Жашыл экономиканы өнүктүрүүнүн жаңы программасынын кабыл алынышы, пилоттук Жашыл таксономиянын ишке киргизилиши жана Жашыл каржылоо фондунун түзүлүшү талкууланды.

Ошондой эле иш чаранын катышуучуларына анализдин жыйынтыктары, туруктуу каржылоонун негиздери, ESG-процесстерин интеграциялоо ыкмалары жана экологиялык жана социалдык мааниге ээ каржы продуктыларын иштеп чыгуу боюнча практикалык сунуштар көрсөтүлдү. GGGI, PwC жана S&P эксперттери эл аралык тажрыйба жана туруктуулукту баалоо инструменттери менен бөлүштү.

Бул долбоор Кыргызстандын каржы системасын чыңдоого, өлкөнүн инвестициялык жагымдуулугун жогорулатууга жана жашыл экономикага өтүү процессин тездетүүгө чоң салым кошот. Ал банктарга жаңы рынок талаптарына даярданууга, ал эми мамлекетке экологиялык маанилүү долбоорлорду колдоо механизмдерин натыйжалуу түзүүгө жардам берет.

Мындан тышкары окуңуз

Дүйнөдөгү эң бай адамдар кимдер?

Дүйнөдөгү эң бай адам катары акшлык Илон Маск турат. Анын бүгүнкү күндө 957 млрд долларлык байлыгы бар. Илон Масктан кийинки экинчи бай адам катары акшлык Лари Пейдж эсептелет. Ларри Пейдж Google компаниясынын негиздөөчүсү жана мурдагы жетекчиси болуп саналат. Анын жалпы байлыгы 304 млрд долларды түзөт. 3-орунда 283 млрд доллар

Зардалы айылына заманбап үйлөр курулат

Баткен облусунун Зардалы айылында заманбап турак жайлар курулат. Бул тууралуу президенттик администрациянын маалыматтык саясат кызматынын башчысы Дайырбек Орунбеков социалдык тармактагы баракчасынан билдирди. Анын айтымында, мурда жетүүгө кыйын болгон аймактарда жашоо шарттарын жакшыртуу багытында иштер жүрүп жатат. Зардалы айылында акыркы жылдары электр энергиясы тартылып, уюлдук байланыш жана интернет ишке киргизилген, ошондой

КРдагы банктар 4 айда 9,5 млрд сом таза киреше табышкан

КРнын Улуттук банкы өлкөнүн банк секторунун 2026-жылдын 30-апрелине карата өнүгүү тенденцияларын жарыялады. Ага ылайык, көрсөтүлгөн мезгилдин аралыгында 24 коммерциялык банк жана алардын 306 филиалы иштеп турган жана алардын тапкан таза кирешеси 9,5 млрд сомго жеткен. Улуттук банктын билдирүүсүнө караганда, банк системасынын жалпы активдери төрт ай ичинде 28,

Эмгек министрлигинде качкындардын укуктарын коргоо маселеси каралды

24-июнда Эмгек, социалдык камсыздоо жана миграция министринин биринчи орун басары Камчыбек Досматов БУУнун Качкындар иштери боюнча Жогорку комиссарынын башкармалыгынын Борбордук Азиядагы өкүлү Махир Сафарли менен жолугушту. Маалыматка ылайык, жолугушууда Досматов Кыргызстан качкындардын укуктарын коргоо жаатында эл аралык уюмдар менен тыгыз кызматташып келерин белгилеп, Бириккен Улуттар Уюмунун колдоосуна ыраазычылык билдирди.