Кытайлык компания менен кызматташуу жөнүндө меморандумга кол коюлду

Инвестициялар боюнча улуттук агенттиктин башчысы Равшанбек Сабиров жана Ganfeng Lithium Group Co., Ltd. компаниясынын вице-президенти Чжу Тяньлун өз ара түшүнүшүү жана кызматташуу жөнүндө меморандумга кол коюшту. Бул туурасында бүгүн аталган агенттиктен кабарлашты.

Документ инвестициялык кызматташтыкты өнүктүрүүгө багытталган.

"Кыргызстан үчүн узак мөөнөттүү инвестициялык долбоорлорду ишке ашырууга кызыкдар болгон эл аралык компаниялар менен кызматташтыкты өнүктүрүү маанилүү. Биз заманбап технологияларды киргизүүгө, тажрыйба алмашууга жана экономиканын тармактарын өнүктүрүүгө, өлкөнүн инвестициялык потенциалын чыңдоого өбөлгө түзө турган демилгелерди биргелешип иштеп чыгууга ачыкпыз", — деген Равшанбек Сабиров

Меморандумдун алкагында тараптар өз ара аракеттенүүнү өнүктүрүүгө, маалымат алмашууга жана келечектүү инвестициялык демилгелерди ишке ашыруу мүмкүнчүлүктөрүн биргелешип карайт.