КР менен KfW ортосундагы кызматташуунун келечеги талкууланды

9-декабрда, Франкфурт-на-Майн шаарында иш сапарынын алкагында Кыргыз Республикасынын Финансы министри А.Бакетаев KfW аткаруучу кеңештин мүчөсү, Кристиана Лайбах менен жолугушту.

Министрликтин басма сөз кызматынын маалыматына караганда, тараптар КРсы менен KfW ортосундагы кызматташуунун келечегин, анын ичинде артыкчылыктуу инвестициялык долбоорлорду ишке ашыруу жана заманбап технологияларды тартуу мүмкүнчүлүктөрүн талкуулашты.           

Анын жүрушундө министр КРсы кызматташууга ачыктыгын жана KfW менен жашыл энергетика, инфраструктура, туризм, айыл чарба жана адам капиталын өнүктүрүү тармактарында биргелешкен долбоорлорду ишке ашырууга даярыгын билдирди.

Жолугушуунун жыйынтыгында тараптар өлкөнүн экономикасына инвестициялык долбоорлорду каржылоону терең изилдөө жана эки тараптуу жолугушуунун жыйынтыгында көтөрүлгөн маселелерди мындан ары иштеп чыгуу үчүн жумушчу топ түзүү боюнча макулдашышты.  

Мындан сырткары А. Бакетаев Германиянын алдыңкы каржы институттарынын өкүлдөрү, анын ичинде АКА Банктын жетекчилиги менен жолугушуп, энергетика, транспорт жана туризм тармактарында ишке ашырылуучу ири долбоорлорду немис тарабына тааныштырды.