Түркия Кыргызстанга 6 айда 100 млн доллар инвестиция салды

Ушул жылдын алты айында Түркиядан Кыргызстанга келген түз инвестициянын көлөмү 100 млн долларга жакындады. Бул тууралуу Кыргызстандын Түркиядагы элчиси Руслан Казакбаев EkoAvrasya фонду тарабынан уюштурулган жолугушууда билдирди.

Иш-чарага фонддун төрагасы Хикмет Эрен баштаган 40ка жакын түрк ишкери катышты. Жолугушуунун жүрүшүндө элчи Казакбаев Кыргызстандын инвестициялык жана экономикалык мүмкүнчүлүктөрү, либералдуу салыктык режим, кеңири инвестициялык преференциялар жана ЕАЭБ рыногуна кирүү мүмкүнчүлүгү тууралуу маалымат берди.

Элчи белгилегендей, инвестициянын бул көлөмү түрк бизнесинин Кыргызстанга болгон ишениминин жогору экенин жана өлкө менен Түркиянын экономикалык кызматташуусунун өсүп жатканын көрсөтүп турат.