Октябрда Кыргызстанга акча которуулардын жалпы көлөмү 340,5 млн долларды түздү

Үстүбүздөгү жылдын октябрь айында Кыргызстанга кирген акча которуулардын жалпы көлөмү 340,5 млн долларды түзгөн. Бул тууралуу Улуттук банктын маалымат кызматынан билдиришти.

Маалыматка ылайык, негизги агым КМШ өлкөлөрүнөн келген - 321,6 млн доллар. Ал эми алыскы чет өлкөлөрдөн 18,9 млн доллар которулган.

Ал эми октябрдын аягына карата Кыргызстандан башка өлкөлөргө 32,5 млн доллар которулган. Анын 29,5 млн доллары КМШ өлкөлөрүнө, 3 млн доллары алыскы чет өлкөлөргө жөнөтүлгөн.