Балыкчыда өсүмдүктөр лабораториясын курууга 350 миң доллар бөлүнөт

Балыкчыда өсүмдүктөрдүн карантини боюнча лаборатория курулуп жатканын Суу ресурстары, айыл чарба жана кайра иштетүү өнөр жайы министрлигинен билдиришти. Маалыматка ылайык, курулуш Ислам Өнүктүрүү банкы тарабынан каржыланат.

Лабораториянын курулушуна, лабораториялык жабдуулар, оргтехника жана эмеректерге жалпы суммасы 350 миң доллар каралган.  

Бүгүн Өсүмдүктөрдү химиялаштыруу, коргоо жана карантин департаменти менен Юнихелп компаниясынын ортосунда лабораториялык жабдууларды жана эмеректерди алуу үчүн 14 млн 170 миң 121 сомдук келишимге кол коюлду.

Лабораториянын курулушу Ысык-Көл жана Нарын облустарында фитосанитардык коопсуздукту камсыз кылуу үчүн зарыл кадам болуп саналат.