Мыйзамсыз кармалып келген салык төгүмдөр жүздөгөн Казакстандын жаранына кайтарылып берилди
2024-2025-жылдардагы мыйзамдуулукту талдоо боюнча Казакстан Республикасынын Акмола облусунун прокуратурасы жеке киреше салыгын (ЖКС) чегерүүдө ден соолугунун мүмкүнчүлүктөрү чектелүү адамдардын укуктарынын системалуу түрдө бузулуп келгендигин аныктады.
Бул тууралуу аталган прокуратуранын басма сөз кызматы Zakon.kz маалымат агенттигине, бүгүн 13-январда билдирген.
Маалыматка караганда, Казакстандын Конституциясы бардык жарандардын теңдигин жана басмырлоого жол берилбестигин кепилдейт. Бул принципти ишке ашыруу үчүн салык мыйзамдарында I, II жана III топтогу майып адамдардын кирешеси жылына 882 эселенген айлык эсептик көрсөткүчтөн ашпаса, ЖКС төлөөдөн бошотулушу ачык каралган.
«Бирок, мыйзамдын так жоболоруна карабастан, мындай кызматкерлердин эмгек акысынан салыктар негизсиз кармалып келген. Прокурордук жөнгө салуунун негизинде ден соолугунун мүмкүнчүлүктөрү чектелүү 344 адамдын укуктары калыбына келтирилип, аларга мыйзамсыз кармалып келген 12,8 млн теңгеден ашык каражат кайтарылып берилди», - деп билдирген Акмола облусунун прокуратурасынын басма сөз кызматынан.
