Экономика

МинКаб КММ сатып алуу тартибин өзгөрттү

Мелис Совет уулу

МинКаб КММ сатып алуу тартибин өзгөрттү

Министрлер кабинети мамлекеттик жана муниципалдык ишканалар, ошондой эле мамлекеттик үлүшү 50% жана андан жогору болгон чарба коомдору үчүн сатып алуулар боюнча типтүү тартипке өзгөртүүлөрдү киргизди.

2026-жылдын 13-апрелиндеги №245 токтомуна ылайык, жол куруу тармагында иш алып барган ишканалар күйүүчү-майлоочу материалдарды (КММ) жана мунай продуктыларынын башка түрлөрүн Министрлер кабинетинин чечими менен аныкталган жеткирүүчүдөн сатып ала алышат. Май куюучу жайлардан КММ сатып алуу бул талапка кирбейт.

Мындан тышкары, "Кыргыз мунай компаниясы" мамлекеттик ишканасына мурда кабыл алынган милдеттенмелерге ылайык КММ жана башка мунай продуктыларын жеткирүүнү камсыз кылуу тапшырылды.

Ошол эле документ менен 2025-жылдын 1-июлундагы №384 жана 2025-жылдын 3-октябрындагы №630 токтомдору күчүн жоготту деп табылды. Бул токтомдор айрым мамлекеттик ишканалар жана мамлекеттик катышуусу бар компаниялар үчүн КММ жеткирүү маселелерин жөнгө салып келген.

Токтом расмий жарыяланган күндөн тартып күчүнө кирди.

Жаңылыктар биздин Телеграмм каналда

Мындан тышкары окуңуз

Кыргызстанда Улуу Ата Мекендик согуштун 24 ардагери бар

Кыргызстанда Улуу Ата Мекендик согуштун 24 ардагери бар

Бүгүнкү күндө Кыргызстанда Улуу Ата Мекендик согуштун 24 ардагери калды, алардын ичинде Ленинград блокадасын башынан өткөргөндөр жана концлагерлердин мурдагы туткундары бар. Бул тууралуу Эмгек, социалдык камсыздоо жана миграция министрлигинен кабарлашты. Маалыматка ылайык, бүгүнкү күндө  алардын ичинен сегизи— согуштун түз катышуучулары. Аймактар боюнча: Бишкек — 4; Чүй облусунун Жайыл району — 2; Нарын
Кочкор районунун заманбап автобекети жыл аягында пайдаланууга берилет

Кочкор районунун заманбап автобекети жыл аягында пайдаланууга берилет

Былтыр башталган Кочкор районунун заманбап автобекети ушул жылдын аягында пайдаланууга берилет. Жаңы автобекет ишке кирсе, райондун борбордук көчөсүндөгү унаалардын башаламан кыймылы жөнгө салынат. Бүгүнкү күндө ички жана тышкы каттамда иштеген таксилер ой келди көчө боюн ээлеп турса, эми алардын баары жаңы бекетке киргизилет. Курулуш объектисинин прорабы Аралбек Осмоновдун айтымында, автобекеттин
Ош шаарында 100 иш орундуу жаңы кондиционердик цех ачылды

Ош шаарында 100 иш орундуу жаңы кондиционердик цех ачылды

Ош шаарында "Мадина" аталышындагы жаңы кондитердик цех ишке киргенин муниципалитеттен билдиришти. Ишкана Россия-Кыргыз өнүктүрүү фондунун 63 млн сом колдоосу менен ачылып, 100 жумуш орду түзүлдү.  Заманбап жабдуулар менен камсыздалган цехте 100дөн ашуун түрдөгү табигый таттуулар өндүрүлөт. Ачылыш аземине шаар мэри Жанарбек Акаев, Россия-Кыргыз өнүктүрүү фондунун жетекчиси Артем Новиков,
БМУда иш орундар жарманкеси өтөт

БМУда иш орундар жарманкеси өтөт

23-апрелде К.Карасаев атындагы Бишкек мамлекеттик университетинде(БМУ) бош орундар жарманкеси өтөрүн Эмгек, социалдык камсыздоо жана миграция министрлигинен билдиришти. Жарманкеге мамлекеттик, муниципалдык жана жеке сектордон 100гө жакын уюмдардын өкүлдөрү катышат. Жалпы сунушталган бош орундардын саны 5 миңден ашып, өндүрүш, транспорт, тейлөө, каржы сектору жана телекоммуникациялар сыяктуу ар түрдүү тармактарды камтыйт.