Кыргызстанда бир жылда тамеки 8,8%га кымбаттады
2026-жылдын март айында Кыргызстанда фильтри бар тамекинин бир кутусунун орточо баасы 152,60 сомду түзгөнүн Улуттук статистика комитети берген маалыматтардын талдоосунан белгилүү болду.
Тамекинин баасы өткөн жылдын март айына салыштырмалуу орточо 12,37 сомго же 8,8%га өстү. Салыштырып көрсөк, анда бир кутунун орточо баасы 140,23 сом болчу.
Эске салсак, 2024-жылдын аягында Министрлер Кабинети тамеки продукцияларына жана вейптерге минималдуу бааларды бекиткен.
Ага ылайык, фильтри бар жана фильтрсиз тамекилерге, сигарилла жана ысытылып колдонулуучу тамеки продукцияларына (таяныч (стик), капсула) — 20 даанадан турган куту үчүн — минималдуу дүң-чыгаруу жана чекене баа 2025-жылдын 1-январынан тартып 110 сомду түзгөн, ал эми 2026-жылдын башынан тарта 120 сомго чейин жогорулатылган.
