Айыл чарба адистери Россиянын "Центрплем" компаниясынын өкүлдөрү менен тажрыйба алмашты
Ветеринария, мал чарбасын өнүктүрүү, жайыт жана тоют кызматы Россия Федерациясынын "Центрплем" компаниясы менен биргеликте фермерлерге, техник-уруктандыруучуларга жана ветеринар адистерге арналган илимий-практикалык конференция өткөрдү.
Иш-чараны кызматтын директору Адилет Сотовалдиев ачып, катышуучуларга анын мазмундуу жана пайдалуу өтүшүн каалап, ийгиликтерди каалады.
Конференциянын жүрүшүндө актуалдуу темалар боюнча презентациялар жасалды:
– жасалма уруктандыруу технологиялары;
– дүйнөлүк генетиканын өнүгүү тенденциялары;
– мал чарбасын өнүктүрүүнүн заманбап ыкмалары.
Берилген маалыматтар катышуучулар үчүн өзгөчө пайдалуу болуп, теориялык билим практикалык тажрыйба менен айкалыштырылды. Иш-чара жогорку деңгээлде өтүп, суроо-жооп бөлүгүндө фермерлер өздөрүн кызыктырган суроолорго кеңири жооп алышты.
"Центрплем" — асыл тукум мал чарбачылыгы жана жасалма уруктандыруу тармагында иш алып барган заманбап компания. Ал эл аралык тажрыйбаны, алдыңкы генетикалык чечимдерди жана чарбаларды коштоо боюнча практикалык экспертизаны ийгиликтүү айкалыштырат.
Компаниянын негизги багыттары:
– дүйнөлүк алдыңкы өндүрүүчүлөрдөн генетикалык материалдарды жеткирүү;
– өзүнүн инновациялык иштеп чыгуулары;
– тармак адистерин окутуу жана квалификациясын жогорулатуу.
Мындай иш-чаралар мал чарбасын туруктуу өнүктүрүүгө, фермерлердин билимин жогорулатууга жана заманбап технологияларды кеңири жайылтууга олуттуу салым кошот.
