Кыргызстан менен Россиянын соода жүгүртүүсү 2,7%га кыскарды
2026-жылдын январь–февраль айларында Кыргызстан менен Россиянын ортосундагы товар жүгүртүү өткөн жылдын ушул эле мезгилине салыштырмалуу 2,7%га азайганы Улуттук статистика комитети жарыялаган маалыматтардын талдоосунда айтылат.
Эки айдын жыйынтыгы боюнча өлкөлөр ортосундагы соода көлөмү 551,5 млн долларды түзгөн.
Россия Кыргызстанга 452,1 млн долларлык товар жеткирген. Ал эми Кыргызстан Россияга 99,3 млн долларлык продукция экспорттогон. Россиядан Кыргызстанга импорт 0,6%га өскөн, ошол эле учурда Кыргызстан Россияга экспортун 15,1%га кыскарткан.
Белгилей кетсек, алдын ала маалыматтар боюнча, 2025-жылдын жыйынтыгында Кыргызстан менен Россиянын ортосундагы товар жүгүртүү 3 млрд 846,1 млн долларды түзүп, 1,2%га төмөндөгөн.
