Кытай инвестициялары 2,1 млрд долларга чейин өстү — ЕАӨБ
2025-жылдын биринчи жарым жылдыгына карата Кытайдан Кыргызстанга келген түз чет элдик инвестициялардын (ТЧИ) көлөмү 2016-жылдагы 826 млн доллардан 2,1 млрд долларга чейин өскөнү ЕАӨБ даярдаган "Кытай жана Евразия аймагы: инвестициялык агымдарды талдоо" аттуу баяндамада айтылат.
Изилдөөгө ылайык, Кыргызстан азыр Борбор Азиядагы Кытай инвестицияларынын 5,8%ын алат (2016-жылы — 4,2%). 2022-жылдан бери инвестициялардын жалпы көлөмү дээрлик 1,8 эсеге көбөйгөн.
Кытай инвестициялары негизинен төмөнкү тармактарга багытталган:
- кен казуу тармагы — 34% же 722 млн доллар;
- кайра иштетүү өнөр жайы — 37% же 780 млн доллар;
Акыркы жылдардагы негизги долбоорлордун бири — Балыкчы шаарында, Ысык-Көл жээгинде күн электр станциясын куруу.
Ошондой эле стратегиялык маанидеги ири долбоор катары Кыргызстан—Өзбекстан темир жолунун курулушу белгиленген.
Мындан тышкары, келечектүү долбоорлор катары төмөнкүлөр белгиленет:
- Ош облусунда Xinjiang Dacheng Yuanlong Technology компаниясынын көмүр логистикалык борборун түзүү;
- Бишкекте Hunan Junxin Environmental Protection компаниясынын катышуусунда катуу тиричилик калдыктарын кайра иштетүүчү завод куруу.
