Мамлекет билим берүү тармагын активдүү инвестициялай баштады – Д.Кендирбаева
Кыргызстандын агартуу министри Догдуркул Кендирбаева өлкөнүн PISA-2025 изилдөөсүндөгү жыйынтыктары мурдагы жылдарга караганда жакшыраак болот деп эсептейт.
Анын айтымында, бул изилдөөнү өткөргөн ОЭСР азырынча жыйынтыктарды жарыялай элек.
Министр белгилегендей, Дүйнөлүк банк жүргүзгөн мониторингге ылайык, Кыргызстанда адам капиталын өнүктүрүүгө багытталган инвестициялар натыйжалуу болуп, өсүү көрсөткүчтөрү байкалууда.
Ошол эле учурда ал чоң секирик күтпөө керектигин айтты. Себеби мамлекет билим берүү тармагына системалуу жана активдүү инвестицияларды акыркы эки жылдан бери гана салып баштады. Мурда каржылоо үзгүлтүк болгону менен бирде айлыкка, бирде окуу китептерине бөлүнүп келген болсо, азыр система комплекстүү түрдө өнүктүрүлүүдө.
Анын пикиринде, билим берүү реформаларынын орто мөөнөттүү жыйынтыктары 15 жылдан кийин гана байкалышы мүмкүн. "Билим берүү — бул завод же курулуш эмес, жыйынтык узак убакытта чыгат", — деди министр.
