Россияда мигранттар үчүн мамлекеттик алымдар 8 эсеге чейин жогорулайт
Россияда миграция тармагындагы мамлекеттик алымдардын өлчөмү көбөйтүлөрүн "Ведомости" басылмасы маалымдады.
Жогорулатуу көп жолу чек арадан өтүүгө мүмкүндүк берген визаларга тиешелүү болот. Алым үч эседен ашык көбөйүп, 6 миң рублга жетет. Бир адамды чакыруу үчүн төлөм сегиз эсе өсүп, 8 миң рубль болот. Туруктуу жашоого уруксат(ТЖУ) беш эсе кымбаттап, 30 миң рублга чыгат. Убактылуу жашоого уруксат(УЖУ) дээрлик сегиз эсе өсүп, 15 миң рублду түзөт, ал эми билим алуу максатындагы РВП төрт эсе кымбаттап, 8 миң рублга жетет.
Россиянын Каржы министрлиги жаңы алым түрлөрүн да сунуштады: бузулган же жоголгон УЖУну алмаштыруу үчүн — 6 миң рубль, РВПнын дубликатын алуу үчүн — 5 миң рубль. Ошол эле учурда Россиянын жарандыгы бар же жок экенин аныктоо боюнча алым ашыкча деп табылып, жоюлат.
Бул өзгөртүүлөр 2026-жылдын 1-июлунан тартып күчүнө кирет, бирок расмий жарыяланган күндөн тартып кеминде бир ай өткөндөн кийин гана колдонулат. Финансылык-экономикалык негиздемеге ылайык, 1-июлдан тартып күчүнө кирген өзгөртүүлөр миграция багыты боюнча федералдык бюджетке дээрлик 8 млрд рубль, ал эми 2027-жылдын 1-январынан тартып жылына болжол менен 16 млрд рубль алып келет.
Мыйзам долбооруна ылайык, мурдагы СССР жарандары болгон жарандыгы жок адамдар, мекендештерди көчүрүү программасынын катышуучулары жана алардын үй-бүлө мүчөлөрү Россиянын паспортун алуу үчүн алым төлөөдөн бошотулат. Ошондой эле жарандык алуу жана УЖУ берүү үчүн алымдарды атайын операция учурунда Россиянын Куралдуу күчтөрүндө кызмат өтөө боюнча келишим түзгөн чет элдиктер жана алардын үй-бүлө мүчөлөрү (анын ичинде аскер кызматкери каза болгон учурда да) төлөбөйт.
