Депутат окуучулардын тамактануусун 50 сомго чейин көтөрүүнү сунуштады
Махабат Мавлянова Жогорку Кеңеш жыйынында Кыргызстанда мектеп тамактануусун каржылоону көбөйтүү жана тендерлерге жергиликтүү өндүрүүчүлөрдүн катышуусун камсыз кылуу зарылдыгын айтты.
Анын айтымында, эл аралык уюмдардын маалыматына ылайык, өлкө калкынын 26%ы жакырчылыкта жашайт, ал эми 41%ы жетиштүү жана толук кандуу тамактанууга мүмкүнчүлүгү жок.
Депутат учурда 4-класска чейин окуучулардын ысык тамагына 14 сомго жакын каражат бөлүнөрүн, бул арзан жана сапаты төмөн азык-түлүктүн жеткирилишине алып келип жатканын белгиледи.
Ал каржылоону 50 сомго чейин көтөрүүнү жана жергиликтүү фермерлер менен органикалык продукция өндүрүүчүлөрдүн тендерлерге катышуусу үчүн шарт түзүүнү сунуштады.
