Экономика

Майлуу-Суу лампа заводун модернизациялоого дээрлик 1 млрд сом жумшалат

Мелис Совет уулу

29 апр. 2026 10:38

Президент Садыр Жапаров "Майлуу-Суу лампа заводу" ААКсын калыбына келтирүү жана өнүктүрүү тууралуу жарлыкка кол койду. Ишкананы модернизациялоого Турукташтыруу фондунан 931,6 миллион сом бөлүнөт.

Документ заводдун финансылык-экономикалык абалын жакшыртууга жана жаңы өндүрүштөрдү ишке киргизүүгө багытталган. Министрлер Кабинетине ишкананы стратегиялык объекттердин тизмесинен чыгаруу маселесин кароо, ошондой эле анын базасында индустриалдык парк түзүү тапшырылды.

Жарлыкка ылайык, завод индустриалдык парктын башкаруучу компаниясы болот, ал эми өндүрүш функциялары жана активдери туунду компанияга өткөрүлөт. Ошондой эле мүлк ага 20 жылдык мөөнөткө убактылуу пайдаланууга берилет.

Каражаттын бир бөлүгү банктарга, Социалдык фондго, энергетикалык жана коммуналдык кызматтарга болгон карыздарды жабууга жумшалат. Инвестициянын негизги бөлүгү өндүрүштү кеңейтүүгө багытталат. Атап айтканда:

— 377,6 млн сом SMD-лампаларды чыгаруу үчүн автоматташтырылган линияларды сатып алууга;

— 276 млн сом айнек продукциясын өндүрүүнү өнүктүрүүгө жана калдыктарды кайра иштетүүгө жумшалат.

Ошондой эле мамлекеттик жана муниципалдык ишканаларга заводдун продукциясын түз келишимдер аркылуу сатып алуу сунушталды, ал эми тиешелүү органдарга энергияны үнөмдөөчү лампалардын импортун көзөмөлдөөнү күчөтүү тапшырылды.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”