Кыргызстанга келген туристтердин агымы 1,4 эсеге көбөйдү

Кыргызстанга келген туристтердин агымы 1,4 эсеге көбөйдү

2026-жылдын январь-июнунда 2025-жылдын ушул мезгилине салыштырмалуу эс алуучулардын саны дээрлик 1,4 эсеге көбөйүп, 1,9 млн адамды түздү. Бул тууралуу Улуттук статистика комитетинен маалымдашып, 2026-жылдын 1-июлуна карата КРда туризм чөйрөсүнө байланышкан экономикалык ишмердикти жүзөгө ашырган 158,2 миңге жакын чарба жүргүзүүчү субъект катталгандыгын билдирди.

Билдирүүгө караганда, туризм чөйрөсүндөгү жеке ишкердик менен - 140 миңге жакын жеке жак алектенет, бул катталган чарба жүргүзүүчү субъекттердин жалпы санынын 88,5 пайызын түзөт.

2026-жылдын январь-июнунда туристтерди кабыл алууну жана тейлөөнү 604 эс алуу мекемеси жана туризм уюму жүзөгө ашырды, анын ичинде 99 адистештирилген жайгаштыруу каражаты, 367 мейманкана жана окшош жайгаштыруу каражаты, 12 табигый парк жана корук, ошондой эле 126 башка туристтик объект бар.

Белгиленген убакыт ичинде туризм чөйрөсүндө түзүлгөн дүң кошумча нарк, алдын ала баалоо боюнча, 34 млрд сомду же ИДПга карата 3,6 % түздү (2025-жылдын январь-июнунда — 3,5 пайыз).

Туризм объекттеринин курулушуна негизги капиталга 15,9 млрд сом инвестиция жумшалган, бул 2025-жылдын январь-июнуна салыштырмалуу 1,3 эсеге көп.

КРнын Чек ара кызматынын маалыматы боюнча, 2026-жылдын январь-июнунда чет өлкөлүк жарандардын КРнын чек арасынан өтүү саны (жарандык алган өлкөсү боюнча) 4,9 млн түздү. Чек арадан өтүүлөрдүн (келүүлөрдүн) негизги бөлүгү Өзбекстандын, Казакстандын, Россиянын жана Кытайдын жарандарына туура келди.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Кызыл-Кыядагы жылуулук ишкана кышкы сезонго даяр

Таласта мыйзамсыз реконструкциялоо иштери аныкталды

Акыркы он айда ИДПнын көлөмү 1 трлн 866 млрд сомго жетти

Электрондук тамекиге болгон чектөөнү узартуу сунушталууда

Чүйдө курулуш эрежелерин бузган 3 компанияга 635 миң сом айып салынды