Акцияларды чыгарууну мамлекеттик каттоонун жаңы тартиби бекитилди

Акцияларды чыгарууну мамлекеттик каттоонун жаңы тартиби бекитилди

Кече Министрлер Кабинети “Акцияларды чыгарууну, акцияларды ачык сунуштоо шарттарын, проспектти жана акцияларды чыгаруунун жыйынтыктарын мамлекеттик каттоонун тартиби жөнүндө жобону бекитүү тууралуу” токтом кабыл алды.

Билдирүүгө караганда, бекитилген жобо акцияларды чыгарууну, аларды ачык сунуштоо шарттарын, проспектти жана акцияларды чыгаруунун жыйынтыктарын мамлекеттик каттоонун бирдиктүү тартибин белгилейт.

Документ ошондой эле баалуу кагаздар рыногунда инвесторлордун укуктарын жана мыйзамдуу кызыкчылыктарын коргоону камсыз кылууга багытталган.

Жаңы жобонун кабыл алынышына байланыштуу акцияларды чыгарууну мамлекеттик каттоо жана баалуу кагаздар рыногунун катышуучуларынын ишмердиги боюнча мурда колдонулуп келген айрым ченемдик укуктук актылар күчүн жоготту деп таанылды.

Бул токтом расмий жарыяланган күндөн тартып 15 күн өткөндөн кийин күчүнө кирет.

Финансы рыногун жөнгө салуу жана көзөмөлдөө кызматы баалуу кагаздар рыногунун катышуучуларынын көңүлүн - акцияларды чыгаруу жана аларды ачык сунуштоо жаатындагы жаңы ченемдик жөнгө салуунун кабыл алынганына бурат.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Кызыл-Кыядагы жылуулук ишкана кышкы сезонго даяр

Таласта мыйзамсыз реконструкциялоо иштери аныкталды

Акыркы он айда ИДПнын көлөмү 1 трлн 866 млрд сомго жетти

Электрондук тамекиге болгон чектөөнү узартуу сунушталууда

Чүйдө курулуш эрежелерин бузган 3 компанияга 635 миң сом айып салынды