Токмоктогу “АгромашХолдинг-ТехСервис” ишканасы колдоого алынат

Токмоктогу “АгромашХолдинг-ТехСервис” ишканасы колдоого алынат

Министрлер Кабинетинин Төрагасынын биринчи орун басары Данияр Амангелдиев тиешелүү министрликтердин, мамлекеттик органдардын жетекчилери жана ата мекендик бизнестин өкүлдөрү менен жумушчу кеңешме өткөрдү. Анын жүрүшүндө стратегиялык инвестициялык долбоорлордун ишке ашырылышы талкууланды

Кеңешменин катышуучулары Чүй облусунда биринчи индустриалдык паркты түзүү, ошондой эле ата мекендик машина куроо жана айыл чарба тармактарын мамлекеттик колдоо чаралары карап чыгышты.

Ага ылайык, Токмок шаарындагы LOVOL тракторлорун чогултуу иштерин жүргүзгөн “АгромашХолдинг-ТехСервис” ишканасын колдоо маселеси кароого алынды.

Билдирүүгө караганда, ата мекендик айыл чарба техникаларын сатып алууну стимулдаштыруу механизмдери, анын ичинде жеңилдетилген лизингди колдонуудагы программаларды өркүндөтүү аркылуу колдоо көрсөтүү зарылдыгы айтылды.

Мындан сырткары Чүй облусунун Ысык-Ата районунда өндүрүштүк инфраструктураны өнүктүрүүгө, инвестицияларды тартууга, жаңы ишканаларды жайгаштырууга жана жумуш орундарын түзүүгө багытталган индустриалдык парк түзүү, Талас облусунун аймагында мунай сактоочу жай куруу маселелери каралды.

Кеңешменин жыйынтыгы боюнча жооптуу мамлекеттик органдарга тиешелүү сунуштарды иштеп чыгуу жана жогоруда аталган демилгелерди ишке ашыруу боюнча ишти улантуу тапшырылды.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Кызыл-Кыядагы жылуулук ишкана кышкы сезонго даяр

Таласта мыйзамсыз реконструкциялоо иштери аныкталды

Акыркы он айда ИДПнын көлөмү 1 трлн 866 млрд сомго жетти

Электрондук тамекиге болгон чектөөнү узартуу сунушталууда

Чүйдө курулуш эрежелерин бузган 3 компанияга 635 миң сом айып салынды