Экономика

Токмоктогу “АгромашХолдинг-ТехСервис” ишканасы колдоого алынат

Ишкер Media

29 сен 2026 08:56

Министрлер Кабинетинин Төрагасынын биринчи орун басары Данияр Амангелдиев тиешелүү министрликтердин, мамлекеттик органдардын жетекчилери жана ата мекендик бизнестин өкүлдөрү менен жумушчу кеңешме өткөрдү. Анын жүрүшүндө стратегиялык инвестициялык долбоорлордун ишке ашырылышы талкууланды

Кеңешменин катышуучулары Чүй облусунда биринчи индустриалдык паркты түзүү, ошондой эле ата мекендик машина куроо жана айыл чарба тармактарын мамлекеттик колдоо чаралары карап чыгышты.

Ага ылайык, Токмок шаарындагы LOVOL тракторлорун чогултуу иштерин жүргүзгөн “АгромашХолдинг-ТехСервис” ишканасын колдоо маселеси кароого алынды.

Билдирүүгө караганда, ата мекендик айыл чарба техникаларын сатып алууну стимулдаштыруу механизмдери, анын ичинде жеңилдетилген лизингди колдонуудагы программаларды өркүндөтүү аркылуу колдоо көрсөтүү зарылдыгы айтылды.

Мындан сырткары Чүй облусунун Ысык-Ата районунда өндүрүштүк инфраструктураны өнүктүрүүгө, инвестицияларды тартууга, жаңы ишканаларды жайгаштырууга жана жумуш орундарын түзүүгө багытталган индустриалдык парк түзүү, Талас облусунун аймагында мунай сактоочу жай куруу маселелери каралды.

Кеңешменин жыйынтыгы боюнча жооптуу мамлекеттик органдарга тиешелүү сунуштарды иштеп чыгуу жана жогоруда аталган демилгелерди ишке ашыруу боюнча ишти улантуу тапшырылды.

Мындан тышкары окуңуз

Жогорку Кеңештин имаратына чет өлкөлүк туристтерди кабыл алуу уюштурулат

Жогорку Кеңештин төрагасы Марлен Маматалиев парламенттин имаратын кыдыруу учурунда чет өлкөлүк туристтер үчүн Жогорку Кеңешке туруктуу тааныштыруу сапарларын уюштуруу маселесин иштеп чыгууну тапшырды. ЖКтин басма сөз кызматынын маалыматына караганда, төрага акыркы жылдары чет өлкөлүк жарандардын кыргыз парламентинин ишмердүүлүгүнө болгон кызыгуусу артып, Жогорку Кеңештин иши менен таанышуу өтүнүчтөрү көбөйүп жатканын белгилеген.

2027-жылы Кыргызстан IV КМШ өлкөлөрүнүн Оюндарын өткөрөт

27-сентябрда Алмата шаарында Көз карандысыз Мамлекеттер Шериктештигине мүчө өлкөлөрдүн Дене тарбия жана спорт боюнча кеңешинин жыйыны болуп, ага Кыргызстан, Азербайжан, Армения, Беларусь, Казакстан, Россия, Тажикстан, Өзбекстан, Түркмөнстандын жана КМШ Аткаруу комитетинин өкүлдөрү катышты. Дене тарбия жана спорт мамлекеттик агенттигинин маалыматына караганда, иш-чаранын жүрүшүндө аталган агенттиктин делегациясын Укуктук камсыздоо

Миграция жаатындагы бир катар функциялар Эмгек министрлигине өткөрүлөт

Президенти Садыр Жапаров миграция чөйрөсүндөгү айрым функцияларды Эмгек, социалдык камсыздоо жана миграция министрлигине өткөрүп берүү жөнүндө Жарлыкка кол койду. Жарлык миграция чөйрөсүндө мамлекеттик башкаруунун бирдиктүү системасын түзүү, чет өлкөлүк жарандардын жана жарандыгы жок адамдардын өлкөгө кирүүсүн, жүрүүсүн, жашоосун, эмгек ишин, каттоосун жана эсепке алынышын жөнгө салууну өркүндөтүү максатында кабыл алынган.

Бишкекте лицензиясыз валюта алмаштырган төрт жаранга айып пул салынды

Бишкек шаарында Кыргыз Республикасынын Улуттук банкынын лицензиясы жок накталай чет өлкө валютасы менен акча алмашуу операцияларын жүргүзгөн төрт жаранга айып пул салынды. Бул тууралуу Улуттук банктан маалымдашты. Маалыматка ылайык, А.Н.Р., А.у.А., Е.Б.К. жана Ш.Н.К. аттуу жарандардын ар бирине 17 500 сомдон айып