“Кепилдик фонд” үч уюм менен кызматташуу боюнча документтерге кол койду
“Кепилдик фонд” ААКсынын 10 жылдыгына арналган эл аралык конференциянын практикалык жыйынтыктарынын бири кызматташуу боюнча үч документке кол коюлушу болду.
- Алардын бири Түрк инвестициялык фонду менен түзүлүп, Кыргызстанда инвестиция, каржылоо жана чакан жана орто ишкердикти колдоо багытындагы кызматташтыкты камтыйт. Тараптар кызматташуунун алкагында тажрыйба жана маалымат алмашып, потенциалдуу инвестициялык жана финансылык мүмкүнчүлүктөрдү биргелешип иштеп чыгууну карашты.
- Экинчи меморандум И. Раззаков атындагы Кыргыз мамлекеттик техникалык университети менен түзүлдү. Документтин алкагында адистерди даярдоо, “Кредиттик-кепилдик схемалары” окуу дисциплинасын иштеп чыгып, окуу процессине киргизүү, практик адистерди билим берүү процессине тартуу, изилдөө жүргүзүү жана стажировкаларды уюштуруу каралган.
- Ал эми үчүнчү документ “Мамлекеттик финансылык холдинг” ААКсы менен түзүлдү. Кызматташуу келишими каржылоо алган кардарлардын милдеттенмелери боюнча кепилдиктерди берүү шарттарын, тартибин жана механизмин, ошондой эле тараптардын өз ара аракеттенүүсүн аныктайт.
