Экономика министрлигинин кызматкерлерине МинКабдын сыйлыктары берилди
Эгемендүүлүк күнүнө карата жана кесиптик жетишкендиктери үчүн Экономика министрлигинин бир катар кызматкерлери Министрлер кабинетинин сыйлыктарына татыды. Бул тууралуу министрликтен билдиришти.
Маалымдалгандай, министр Бакыт Сыдыковго "Эмгек сиңирген экономист" ардак наамы ыйгарылды, персонал менен иштөө бөлүмүнүн башчысы Мехрибон Хусаиновага "Мамлекеттик кызматка эмгек сиңирген кызматкер" ардак наамы берилди, стратегиялык өнүктүрүү башкармалыгынын начальниги Айсулу Аманова Министрлер кабинетинин Ардак грамотасы менен сыйланды. Укуктук камсыздоо башкармалыгынын башкы адиси Айгерим Кубатбековага Министрлер кабинетинин төрагасынын атынан алкыш жарыяланды.
Тиешелүү чечим Министрлер Кабинетинин 2026-жылдын 21-сентябрындагы №620 тескемеси менен кабыл алынган.
