Экономика

РКӨФ изоляциялык материалдарды өндүрүүгө 800 миң $ ашык каражат салат

Ишкер Media

01 окт 2026 14:09

Россия-Кыргыз өнүгүү фонду Кыргызстанда заманбап изоляциялык жана полимердик материалдарды өндүрүүнү кеңейтүү долбоорун каржылоо боюнча келишимге кол койду. Бул тууралуу фонддун башкармалыгынын төрагасы Артем Новиков социалдык тармактагы баракчасында бөлүштү.

Долбоордун биринчи этабын Кыргызстандын президенти Садыр Жапаров ачкан. Экинчи этаптын алкагында РКӨФ - 800 миң $ ашык инвестиция салат. Долбоорго жалпы инвестициянын көлөмү - 1,4 млн $ ашат.

Каржылоо иштеп жаткан өндүрүштү кеңейтүүгө жана анын кубаттуулугун жогорулатууга багытталат.

Ишкана жылуулук жана гидроизоляциялык материалдарды, желим курамдарды жана куюучу системаларды чыгарат. Негизги продукцияларынын бири — пенополиуретан. Новиковдун маалыматына ылайык, учурда Кыргызстанда, Казакстанда жана Тажикстанда бул продукциянын аналогун чыгарган өндүрүш жок.

Кыргыз-германиялык бренд Штутгарттагы адистештирилген лаборатория менен кызматташып, продукциянын сапатын лабораториялык көзөмөлдөн өткөрөт жана өзүнүн иштеп чыгууларын жүргүзөт. Компаниянын продукциясы Россия Федерациясында сертификатталган.

Новиковдун айтымында, өткөн жылы РКӨФ Кыргызстандын химия өнөр жайынын келечегине байланыштуу кеңири изилдөө жүргүзгөн. Мындай долбоорлорду колдоо аталган изилдөөнүн практикалык багыттарын ишке ашыруунун кадамдарынын бири болуп саналат.

Учурда фонд илимди көп талап кылган заманбап тармактарды, ошондой эле курулуш материалдарын өндүрүүнү өнүктүрүүгө көңүл буруп жатат.

Мындан тышкары окуңуз

“Мадина” базарындагы өрттөн кийинки чыгымды аныктоо иштери жүрүп жатат

Бишкек шаарынын мэриясы “Мадина” базарындагы өрттөн жабыркагандарга компенсация төлөнүп жатканы тууралуу тарап жаткан маалыматтарга байланыштуу, учурда өрттүн келип чыгуу жагдайларын жана келтирилген чыгымдын көлөмүн аныктоо боюнча иштер улантылып жатканын билдирди. Алдын ала эсептөөлөргө ылайык, келтирилген чыгымдын суммасы Свердлов райондук администрациясы тарабынан аныкталып, укук коргоо органдарына өткөрүлүп берилди. Ошол эле учурда

Кыргызстан менен Орусиянын Жогорку соттору кызматташууну күчөтөт

Кыргызстандын Жогорку сотунун төрагасы Медербек Сатыевдин чакыруусу менен Орусиянын Жогорку Сотунун төрагасы Игорь Краснов Бишкекке расмий сапар менен келди. Бул тууралуу мекеменин маалымат кызматы кабарлады. Маалымдалгандай, жогорку даражалуу конокту "Манас" эл аралык аэропортунан Медербек Сатыев тосуп алды. Тосуп алууга ошондой эле төраганын орун басары Шералы Камчыбеков, кеңешчи Руслан

Садыр Жапаров Лос-Анжелеске келди

Өлкө башчысы Садыр Жапаров Американын Лос-Анжелес шаарына барды. Бул тууралуу президенттин администрациясы билдирди. Маалыматка ылайык, сапардын максаты - Кыргызстандын биринчи улуттук спутнигин учуруу аземине катышуу. Спутник SpaceX компаниясынын ракетасы менен орбитага чыгарылат. Мамлекет башчысын аэропорттон SpaceXтин глобалдык өнүгүү боюнча директору Ребекка Хантер тосуп алды. Кыргызстандын экономика, бизнес, финансы тармактары боюнча

АИ-92га субсидия: бир айдоочу айына 4632 сом үнөмдөйт

Монополияга каршы кызмат АИ-92 бензинине берилген субсидиянын эсебин чыгарды. Бул тууралуу Экономика министрлиги билдирди. Маалыматка ылайык, Учурда субсидия - АИ-92 - литрине 30,88 сом, дизель - литрине 42,27 сом, автогаз - литрине 5,38 сом. Өлкөдө 1,5 млн унаа катталган, анын 1,2 млн жеңил, 300 миңи жүк ташуучу.