Салык кызматынын пломбасын бузуп, эсепке алынбаган товарды ташуу фактысы аныкталды

Салык кызматынын пломбасын бузуп, эсепке алынбаган товарды ташуу фактысы аныкталды

Мамлекеттик салык кызматынын кызматкерлери Ош облусунун Кара-Суу районунда рейддик салыктык көзөмөл жүргүзүү учурунда Кыргыз Республикасынын аймагына товарларды алып кирүүдө салык мыйзамдарынын талаптары бузулган фактыны аныкташты.

МСКнын маалымат кызматынын билдирүүсүнө караганда, жүк ташуучу транспорт каражатын текшерүү учурунда буга чейин Салык кызматы тарабынан коюлган расмий пломбанын бузулуп, үзүлгөнү аныкталган.

Мындан тышкары, ташуучу эсепке алынбаган товарды жашырууга аракет кылган. Аныкталган эсепке алынбаган жүктүн жалпы наркы 304 миң 642 сомду түздү. Бул боюнча күнөөлүү адамдарга карата эми Кыргыз Республикасынын мыйзамдарында каралган жоопкерчилик чаралары көрүлөт.

Контролдук пломбаларды өз алдынча бузгандыгы же үзгөндүгү үчүн мыйзамдарда 100 миң сомдон 200 миң сомго чейин айып пул түрүндө жоопкерчилик каралган.

Пломбанын үзүлүшү фактысы боюнча чогултулган материалдар учурда күнөөлүү адамдарды мыйзамда белгиленген тартипте жоопкерчиликке тартуу маселесин чечүү үчүн укук коргоо органдарына өткөрүп берүүгө даярдалууда.

Мындан тышкары, эсепке алынбаган товарды жашыргандыгы үчүн мыйзамдарда тиешелүү жоопкерчилик, анын ичинде айып пул салуу жана эсепке алынбаган товарды конфискациялоо каралган.

Салык кызматы Евразия экономикалык бирлигинин бажы чек арасы аркылуу өтүп жаткан транспорт каражаттары тиешелүү мамлекеттик органдардын көзөмөлүндө экенин эскертет. Мыйзамсыз аракеттер, анын ичинде атайын көзөмөл каражаттарын бузуу же үзүү, ошондой эле салык мыйзамдарын бузуунун башка түрлөрү Кыргыз Республикасынын мыйзамдарында каралган жоопкерчиликке алып келет.
Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Экономика

Акыркы жаңылыктар

Баары

Кызыл-Кыядагы жылуулук ишкана кышкы сезонго даяр

Таласта мыйзамсыз реконструкциялоо иштери аныкталды

Акыркы он айда ИДПнын көлөмү 1 трлн 866 млрд сомго жетти

Электрондук тамекиге болгон чектөөнү узартуу сунушталууда

Чүйдө курулуш эрежелерин бузган 3 компанияга 635 миң сом айып салынды