Дүйнөлүк соода уюмунун экспертинин кызмат көрсөтүүлөр соодасы боюнча семинары болду
2026-жылдын 29-сентябрынан 1-октябрына чейин Экономика жана коммерция министрлигинде Дүйнөлүк соода уюмунун (ДСУ) эл аралык эксперти Руоси Чжандын катышуусунда кызмат көрсөтүүлөр соодасы боюнча адистештирилген семинар болуп өттү.
Экономика министрлигинин маалыматына караганда, семинарга КРнын министрликтеринин жана ведомстволорунун өкүлдөрү катышып, ДСУнун кызмат көрсөтүүлөр соодасы боюнча башкы макулдашуусунун алкагындагы негизги милдеттенмелерди калыптандыруу ыкмаларын үйрөнүштү. Ошондой эле кызмат көрсөтүүнүн ар кандай ыкмалары боюнча милдеттенмелерди аткаруунун өзгөчөлүктөрүн карап чыгышты.
Семинардын жүрүшүндө “суроо-талап — сунуш” принцибине негизделген сүйлөшүүлөрдү жүргүзүү стратегиясы тааныштырылды. Бул механизмдин алкагында өлкө ата мекендик кызмат көрсөтүүчүлөргө башка өлкөнүн рыногуна кирүү мүмкүнчүлүгүн берүү жөнүндө суроо-талап даярдап, анын ордуна өзүнүн кызмат көрсөтүүлөр рыногун ачууну сунуштайт.
Катышуучулар мындай суроо-талаптарды жана сунуштарды даярдоо методологиясын үйрөнүп, алган билимдерин практикалык сабактарда бекемдешти.

Семинар мамлекеттик органдардын өкүлдөрүнө эки тараптуу сүйлөшүүлөрдү жүргүзүү көндүмдөрүн өркүндөтүүгө жана чет өлкөлүк рынокторго кирүүнүн эл аралык эрежелери боюнча билимдерин тереңдетүүгө мүмкүндүк берди. Алынган билимдер жана компетенциялар кызмат көрсөтүүлөр соодасы жана инвестициялар жөнүндө макулдашууларды түзүү боюнча эл аралык сүйлөшүүлөрдө колдонулат.
Күндүн негизги жаңылыктары — Telegram каналыбызда
Каналга катталуу