Экономика

Улуттук статистика комитетинде коррупцияга каршы стратегияны ишке ашыруу маселеси каралды

Ишкер Media

02 окт 2026 08:48

Улуттук статистика комитетинде коррупцияга каршы саясатты ишке ашыруу маселелери талкууланды. Жыйын Улуттук статистика комитетинин төрагасынын орун басары З. Жумалиевдин, Статистика, изилдөөлөр жана квалификацияны жогорулатуу институтунун директорунун, ошондой эле статистиканын аймактык органдарынын жетекчилери жана кызматкерлеринин катышуусунда өттү.

Жыйында Кыргыз Республикасында 2025–2030-жылдарга коррупцияга каршы аракеттенүү боюнча мамлекеттик стратегияны ишке ашыруу боюнча иш-чаралар планын өз убагында жана сапаттуу аткаруу маселелери каралды.

Ошондой эле 2026–2027-жылдарга Кыргыз Республикасында коррупцияга каршы маалыматтык саясаттын мамлекеттик программасын ишке ашырууга көңүл бурулду. Анын алкагында коомдо чынчылдыкты, ак ниеттүүлүктү жана коррупциялык көрүнүштөрдү четке кагуу маданиятын калыптандыруу максатында социалдык роликтерди, маалыматтык буклеттерди жана башка материалдарды даярдоо жана жайылтуу боюнча конкреттүү чараларды көрүү маселелери талкууланды.

Кеңешменин жүрүшүндө Башкы прокуратуранын коррупциянын алдын алуу маселелери боюнча ыйгарым укуктуу өкүлү Иман Мавлянов планда каралган иш-чараларды натыйжалуу аткарууну камсыз кылуу зарылдыгын белгиледи. Мындан тышкары, Иман Мавлянов кеңешменин катышуучуларына, ошондой эле онлайн форматта катышкан статистиканын аймактык органдарынын кызматкерлерине Министрлер Кабинетинин 2026-жылдын 10-августундагы №537 токтому менен бекитилген коррупциялык укук бузууларды жасоого көндүрүү фактысы жөнүндө кабарлоо тартиби тууралуу маалымат берди.

Ошондой эле аталган тартиптин негизги жоболору, коррупциялык укук бузууларды жасоого көндүрүү фактысы жөнүндө кабарлоонун механизмдери жана мындай фактылар тууралуу ыйгарым укуктуу мамлекеттик органдарга өз убагында маалымдоонун маанилүүлүгү түшүндүрүлдү.

Мындан тышкары окуңуз

Дүйнөлүк соода уюмунун экспертинин кызмат көрсөтүүлөр соодасы боюнча семинары болду

2026-жылдын 29-сентябрынан 1-октябрына чейин Экономика жана коммерция министрлигинде Дүйнөлүк соода уюмунун (ДСУ) эл аралык эксперти Руоси Чжандын катышуусунда кызмат көрсөтүүлөр соодасы боюнча адистештирилген семинар болуп өттү. Экономика министрлигинин маалыматына караганда, семинарга КРнын министрликтеринин жана ведомстволорунун өкүлдөрү катышып, ДСУнун кызмат көрсөтүүлөр соодасы боюнча башкы макулдашуусунун алкагындагы негизги милдеттенмелерди

Садыр Жапаров SpaceX компаниясынын Калифорниядагы өндүрүштүк комплексине барды

Президенти Садыр Жапаров, Америка Кошмо Штаттарына болгон иш сапарынын алкагында Калифорния штатынын Хоторн шаарындагы SpaceX компаниясынын өндүрүштүк комплексине барды. Мамлекет башчысы космостук техника чогултулуучу өндүрүштүк бөлүмдөрдүн иши менен таанышты. Президентке даярдыктын ар кандай этаптарындагы ракета алып жүрүүчүлөрдүн баскычтары көрсөтүлүп, заманбап материалдар, инженердик чечимдер жана сапатты көзөмөлдөө технологиялары тууралуу маалымат берилди.

Кыргызстандын элчиси Венгриянын президентине ишеним грамотасын тапшырды

30-сентябрда Будапеште Кыргызстандын элчиси Эрлан Абдылдаевдин Венгриянын президенти Андраш Балинт Бакага ишеним грамотсын тапшыруу салтанаты болуп өттү. Бул тууралуу ТИМдин басма сөз кызматы билдирди. Маалымдалгандай, салтанат Шандор сарайында өтүү. Жолугушуу учурунда элчи Кыргызстандын президенти Садыр Жапаровдун жолдогон саламын айтты. Расмий бөлүктө баарлашуулар болуп, анда эки тараптуу мамилени өнүктүрүү, эки

Кыргызстанда улгайган адамдардын саны 5 жылда 25% өстү

Кыргызстанда эмгекке жарамдуу курактан улуу адамдардын саны акыркы беш жылда 146 миңден ашуунга же 25%га өстү. Бул тууралуу Улуттук статистика комитети 1-октябрь — Эл аралык карылар күнүнө карата маалымдады. Статистикалык маалыматтарга таянсак, 2026-жылдын башына карата өлкөдө эмгекке жарамдуу курактан улуу 737 миң адам катталган. Бул жалпы калктын 10%