Энергетика министрлигине 145,8 млн сомдук атайын техника тапшырылды
Министрлер Кабинетинин Төрагасы Адылбек Касымалиев Энергетика министрлигине жаңы атайын автотранспорт каражаттарынын ачкычын тапшырды. Бул тууралуу Өкмөттүн басма сөз кызматынан билдиришти.
Маалыматка ылайык, “Кыргызстан улуттук электр тармагы” ААКнын объекттерин куруу жана модернизациялоо алкагында 37 бирдик атайын техника сатылып алынды. Анын ичинде JAC–T8 үлгүсүндөгү 17 даана, JAC–N56 үлгүсүндөгү 10 даана бригадалык автоунаа, SHANMON–388H үлгүсүндөгү 8 даана экскаватор-жүктөгүч жана КАМАЗ–43118 базасындагы 45 метрлик 2 даана авто-көтөргүч бар.
Сатып алынган техникалардын жалпы суммасы 145,8 млн сомду түзөт.
Салтанаттуу иш-чарада Адылбек Касымалиев энергетика тармагын өнүктүрүү мамлекеттин артыкчылыктуу багыттарынын бири экенин белгилеп, акыркы жылдары тармактын техникалык базасы бекемделип жатканын айтты.
Кошумчалай кетсек, 2025-жылы энергетика жана көмүр тармагына 160тан ашуун атайын автотранспорт каражаттары сатылып алынган.
