Энергетика

Энергетика министрлиги 2025-жылдын жыйынтыгын чыгарды

Айгерим Качкынбекова

24 янв. 2026 14:18

Кечээ Энергетика министрлигине караштуу энергокомпаниялардын жана мекемелердин 2025-жылдагы ишмердүүлүгүнүн жыйынтыгы боюнча коллегия болуп өттү. Бул тууралуу министрликтен билдиришти.

Жыйынга Министрлер Кабинетинин Төрагасынын орун басары Бакыт Төрөбаев, Президенттин Администрациясынын өкүлү Улугбек Нургазиев, энергетика министри Таалайбек Ибраев, министрдин орун басарлары жана тармактык компаниялардын жетекчилери катышты.

Коллегияда 2025-жылы энергетика тармагында аткарылган иштер жана 2026-жылга коюлган негизги милдеттер талкууланды. Министр Таалайбек Ибраев күз-кыш мезгилинде калкты электр энергиясы менен үзгүлтүксүз камсыз кылуу башкы приоритет экенин белгилеп, бардык пландар графикке ылайык өз убагында аткарылышы керектигин баса белгиледи.

Маалыматка ылайык, 2025-жылы өлкө боюнча электр энергиясын керектөө 19,3 млрд кВт/саат түзүп, 15,4 млрд кВт/саат электр энергиясы өндүрүлгөн. Ошондой эле коңшу өлкөлөрдөн 3,8 млрд кВт/саат электр энергиясы импорттолгон.

Аталган жылы ири ГЭСтерди модернизациялоонун алкагында кошумча 69 МВт кубаттуулук ишке берилди. Токтогул жана Үч-Коргон ГЭСтеринде гидроагрегаттарды жаңылоо иштери улантылды. Камбар-Ата-1 ГЭСи боюнча ТЭНди актуалдаштыруу иштери жүргүзүлүп, долбоорго эл аралык каржылоо тартуу багытында активдүү сүйлөшүүлөр жүрүүдө.

Мындан тышкары, 2025-жылы сегиз чакан ГЭС ишке киргизилип, күн электр станцияларынан 100 МВттан ашык кубаттуулук кошулду. Газдаштыруу, көмүр өндүрүү, нефть тармагында да пландар ашыгы менен аткарылганы белгиленди.

Коллегиянын жыйынтыгында 2026-жылга карата энергетикалык коопсуздукту чыңдоо, жаңы объекттерди өз убагында ишке берүү жана калкка көрсөтүлгөн кызматтардын сапатын жогорулатуу негизги багыттар катары аныкталды.

Мындан тышкары окуңуз

Кыргызстан менен Габон тышкы иштер министрликтери ортосунда меморандумга кол коюлду

Нью-Йоркто Кыргызстандын Тышкы иштер министри Жээнбек Кулубаев Габондун Тышкы иштер министри Мари-Эдит Тассила-Е-Думбене менен жолукту. Бул тууралуу министрликтен билдиришти. Маалымдалгандай, жолугушууда эки тараптуу кызматташтык, саясий диалог, соода-экономикалык жана маданий байланыштарды кеңейтүү, эл аралык уюмдардагы өз ара аракеттенүү маселелери талкууланды. Өзгөчө көңүл Кыргызстандын 2027-2028-жылдары

Төрага Маматалиев Кара-Кулжада жол, мектеп жана сугат көйгөйлөрү менен таанышты

26-сентябрда Жогорку Кеңештин төрагасы Марлен Маматалиев Кара-Кулжа районуна иш сапары менен барды. Бул тууралуу Жогорку Кеңештин басма сөз кызматы кабарлады. Маалым болгондой, сапарга депутаттар Суйунбек Омурзаков, Гүлнара Баатырова, Гульнара Акимбаева жана Президенттин Ош облусундагы өкүлү Аманкан Кенжебаев коштоп барды. Кызыл-Суудагы көпүрө – Мырза-Аке - Кара-Кулжа - Алайку жолунун

Нарында ишкерлерге жеңилдетилген насыя алуу жолдору түшүндүрүлдү

Нарын облусунда ишкерлерди колдоо жана жеңилдетилген каржылоо боюнча жолугушуу өттү. Бул тууралуу президенттин Нарындагы өкүлчүлүгү билдирди. Маалыматка ылайык, жыйынга ыйгарым укуктуу өкүлдүн биринчи орун басары Эркинбек Чекирбаев, Финансы-кредиттик фондунун төрагасы Элдияр Доолбеков жана жергиликтүү ишкерлер катышты. Ишкерлерге мамлекеттик колдоо чаралары, жеңилдетилген насыялар, долбоорлорду каржылоо шарттары жана стартаптарга көрсөтүлүүчү көмөк

Кыргызстан Иран менен президенттердин макулдашууларын ишке ашырууну талкуулады

Бириккен Улуттар Уюмунун Башкы Ассамблеясынын 81-сессиясынын алкагында Тышкы иштер министри Жээнбек Кулубаев Ирандын Тышкы иштер министри Аббас Аракчи менен жолугушту. Бул тууралуу министрликтин маалымат кызматы билдирди. Маалымдалгандай, жолугушууда эки тараптуу кызматташтыктын актуалдуу маселелери, аймактык жана эл аралык күн тартиби талкууланды. Өзгөчө көңүл президент Садыр Жапаровдун Иран президенти Масуд Пезешкиан