Тар дарыясында 200 мегаваттык чакан ГЭСтер каскады курулат

Кара-Кулжа районундагы Тар дарыясында чакан ГЭСтердин каскадын куруу долбоору боюнча меморандумга кол коюлганын Энергетика министрлиги билдирди. Мындай келишим МинКаб менен "Кыргызстан Риклейм Ко. ЛТД" ЖЧКсынын ортосунда түзүлгөн.

Документке энергетика министринин орун басары  Алтынбек Рысбеков жана "Кыргызстан Риклейм Ко. ЛТД" ЖЧКнын башкы директорунун орун басары  Цю Чэньци кол койду. 

Жетишилген макулдашуулардын алкагында болжол менен 200 МВт кубаттуулугу бар чакан ГЭСтердин каскадын куруу боюнча инвестициялык долбоорду ишке ашыруу пландаштырылууда. Инвестициянын болжолдуу көлөмү 300 млн долларды түзөт.