Энергетика

Баткенде “Суу-Башы” көмөк чордону ишке берилди

Ишкер Media

29 янв. 2026 12:23

Бүгүн энергетика министри Таалайбек Ибраевдин Баткен облусуна болгон жумушчу сапарынын алкагында Баткен шаарындагы 110/35/10 кВ "Суу-Башы" көмөк чордону расмий түрдө пайдаланууга берилди. Бул тууралуу /Энергетика министрлигинен билдиришти.

Ачылыш аземинде министр электр энергиясына болгон суроо-талап жыл сайын өсүп жатканын белгилеп, генерацияны жана кубаттуулукту жогорулатуу бүгүнкү күндүн негизги талабы экенин айтты. Анын айтымында, жаңы көмөк чордондор калкты туруктуу электр энергиясы менен камсыздоодо маанилүү роль ойнойт.

Жаңы көмөк чордондун долбоору "Кыргызстан улуттук электр тармагы" ААК менен Баткен шаардык мэриясынын биргелешкен аракетинде ишке ашырылып, жалпы 55 млн 758 миң сом каражат жумшалды. Курулуш иштери Баткен электр тармактар ишканасынын өз күчү менен аткарылган.

Көмөк чордондун ишке кириши менен Баткен шаарындагы "Жаңы-Достук" айылы, өнөр жай аймагы, "Баткен Сити" конушу, жаңы стадион, Чет-Булак кварталы, Бужум айылы жана 2 224 турак жай сапаттуу электр энергиясы менен камсыздалат.

Ошондой эле иш-чаранын алкагында Баткен электр тармактар ишканасына 4 даана автоунаа жана 1 экскаватор тапшырылып, бул авариялык кырдаалдарга ыкчам чара көрүүгө жана тейлөө сапатын жогорулатууга багытталганы белгиленди.

Ачылыш аземине министрлик өкүлдөрү, жергиликтүү бийлик, энергетиктер жана шаар тургундары катышты.

Мындан тышкары окуңуз

Манас шаарынын 2026-жылга бюджетинин планы 1,59 млрд сом деп бекитилди

Бүгүн Манас шаардык депутаттар кеңешинин кезектеги сессиясы өтүп, шаардык бюджеттин долбоору каралды. Сессияга мэр Эрнисбек Ормоков, шаардык кеңештин төрагасы Нуртилек Болотов жана депутаттар катышты. Шаардын финансы башкармалыгынын башчысы Талант Аким уулу 2026-жылга бюджет долбоорун тааныштырып, депутаттар тарабынан бир добуштан колдоо тапты. Жергиликтүү бюджеттин планы 1 млрд 587,7 млн сом

Кыргызстанда тилемчиликке каршы жаңы чаралар каралууда

Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында "Кыргыз Республикасынын айрым мыйзам актыларына (Укук бузуулар жөнүндө кодекске жана "Тышкы миграция жөнүндө" мыйзамга) өзгөртүүлөрдү киргизүү тууралуу" мыйзам долбоору биринчи окууда каралып, колдоо тапты. Демилгечи – Министрлер Кабинети. Ички иштер министринин орун басары Нурбек Абдиевдин

Кыргызстан Европа парламенти менен визалык жеңилдетүүнү талкуулады

Бишкекте Кыргыз Республикасынын Жогорку Кеңеши менен Европа парламентинин ортосундагы парламенттер аралык кызматташтык комитетинин 18-отуруму өткөрүлдү. Жыйынга Жогорку Кеңештин Төрагасынын орун басары Жылдыз Таалайбек кызы жана депутаттар Салтанат Аманова, Махабат Мавлянова, Алтынбек Кылычбаев, Исманали Жороев катышты. Европа парламентинин делегациясын Джузи Принчи жетектеп, курамында депутаттар Свен Симон, Тьерри Мариани жана Кристиан Вигенин

Sary Kyz жана Argen Sigma Кыргызстан туризминин амбассадорлору болушту

Кыргызстандагы белгилүү блогерлер Sary Kyz жана Argen Sigma өлкөдө туризмди жайылтуу багытында иш алып барышат. Бул тууралуу Туризмди өнүктүрүүнү колдоо фондунан билдиришти. Маалыматка ылайык, фонд алдыңкы блогерлер менен өз ара түшүнүшүү жана кызматташуу жөнүндө меморандумга кол койду. Өнөктөштүк Кыргызстандын туристтик потенциалын медиа мейкиндикте жана социалдык тармактарда кеңири таанытууга багытталган. Меморандумдун